Izapide honen bidez, interesdunak datuak babesteko eskubide hauek erabili ahal izango ditu:

• Irispidea: datuen tratamenduaren arduradunak interesdunari dagozkion datu pertsonalak tratatzen ari ote diren esan diezaion jakiteko eskubidea da, eta, hala bada, tratamenduaren helburuak, datu pertsonalen kategoriak, eta datuak jakinarazi zaizkien edo jakinaraziko zaizkien hartzaileak edo hartzaileen kategoriak; ahal bada, datu pertsonalak zenbat denboraz gordeko diren edo, ezin bada, zer irizpide erabiliko diren epe hori zehazteko; datu pertsonalak ez baldin badira interesdunarengandik jaso, zer iturritatik datozen jakitea; erabaki automatizaturik ba ote den, profilak egitea barne, eta, hala bada, gutxienez, erabiltzen den logikaren gaineko informazio esanguratsua, eta interesdunarentzat tratamendu horrek duen garrantzia eta izan ditzakeen ondorioak.
• Zuzentzea: interesdunak eskubidea izango du berari buruz dauden datu pertsonal okerrak arduradunak atzerapen bidegaberik gabe zuzendu ditzan.
• Ezereztea: baldintza hauetakoren bat gertatu behar da: datu pertsonalak jadanik ez dira beharrezkoak, bildu zirenean edo tratatu zirenean zeuden helburuen argitan; interesdunak bertan behera uzten du tratamenduaren oinarria den adostasuna; interesdunak tratamenduaren aurka egiten du, eta gainetik ez dago tratamendua gauzatzeko beste arrazoi legitimorik; datu pertsonalen tratamendua legez kontra egin da; datu pertsonalak ezereztatu behar dira, lege-betebehar baten indarrez.
• Tratamendua mugatzea: interesdunak eskubidea izango du tratamenduaren arduradunak datuen tratamendua mugatu dezan, baldintza hauetako bat gertatzen denean: interesdunak datu pertsonalen zehaztasunaren aurka egiten badu, tratamenduaren arduradunak datuon zehaztasuna egiaztatzeko adinako epe batez; tratamendua legez kontrakoa bada eta interesdunak datu pertsonalak ezereztearen aurka egiten badu eta, ordainetan, haien erabilera mugatzeko eskatu; arduradunak jadanik datu pertsonalak behar ez baditu tratamenduaren helburuari begira, baina interesdunak bai, erreklamazioak formulatzeko, egikaritzeko edo aldezteko; interesdunak tratamenduaren aurka egin badu, eta arduradunaren arrazoi legitimoak interesdunarenen gainetik dauden ala ez egiaztatzen den bitartean.
• Aurka egitea: bere egoera partikularra dela-eta, interesdunak eskubidea izango du, edozein unetan, berari buruzko datu pertsonalen tratamenduaren aurka egiteko, tratamendu hori adostasunean oinarritzen bada. Noiz eta arduradunak ez dituen egiaztatzen arrazoi legitimoak, esate baterako, interes publikoa.

Prozedura honen bidez interesdunak, udalbatzak eskainitako diru-laguntza, beka, laguntza edo sari bat eskatzen dio udalerriari.

Eskabidearekin batera, interesdunak deialdiko oinarrietan eskatzen den dokumentazio guztia aurkeztu beharko du.

Izapide honen bidez ur-kontagailuaren irakurketa udaletxera bidal daiteke.

Kontagailua etxebizitza edo lokal barruan dagoenean eta zerbitzuaren erabiltzailea kanpoan denean, harpidedunak berak irakurketa egin dezake eta udaletxeari igor diezaioke prozedura honen bitartez.

Informazioa helburu horretarako jarri diren baliabideen bidez jakiraraziko da 5 eguneko epean gehienez, erantzun komertzialeko txartelean dagoen datatik aurrera. Informazioa beranduago igortzen bada, ezin izango da ziurtatu fakturazioan eragina izango duenik.

Jakinarazitako informazioa zuzena ez dela uste bada, harpidedunari informazioa ukatzeko arrazoien berri emango zaio eta irakurketa egokia egiteko argibideak emango zaizkio.

Izapide hau informazioa emateko besterik ez da. Horrelako eskaerak bideratzeko San Migel kalea, 20an dauden udal bulegoetara jo. Informazio gehiago nahi izanez gero, 94 681 63 93 telefono zenbakira deitu

Izapide honen bidez interesdunak tokiko administrazioa jakinaren gainean jarriko du, hiriko izaera duten azpiegituren funtzionamendu okerraz.

Informazio honekin administrazioak administrazio-ordenamenduak ezartzen dituen tramiteak jarraituz egingo du lan, bere kabuz antzemandako egoera konpontzeko beharrezkoa izanez gero.

Izapide honen bidez edateko uraren hornikuntza zerbitzuan erabiltzaile berriaren alta eta aurreko erabiltzailearen baja eska daitezke.

Titular aldaketa egin eta hurrengo bi egunen buruan kontagailuan esku hartuko da. Kontagailua etxebizitzaren edo lokalaren barruan badago, erabiltzaileak aurretiko hitzordua eskatu beharko du teknikariak kontagailua jar dezan. Kontagailu-gela baldin badago hitzordua ez da beharrezkoa izango.

Eskaera titular berriak eta aurretik zegoenak egin beharko dute. Pertsona juridikoak izatekotan, izapidea horien ordezkariek egin ahal izango dute.

Izapide honen bidez ur-hornikuntza, estolderia eta zabor-bilketa zerbitzuetan baja emateko eskaera egin daiteke.

Zerbitzuetan altan eskatu zeneko fidantza edo lotura-eskubideak eskuratzeko aurre-betekizuna da bajaren eskaera egitea.

Baja eskaera egin eta hurrengo bi egunen buruan kontagailuan esku hartuko da. Kontagailua etxebizitzaren edo lokalaren barruan badago, erabiltzaileak aurretiko hitzordua eskatu beharko du teknikariak kontagailua desmunta dezan. Kontagailu-gela baldin badago hitzordua ez da beharrezkoa izango.

Izapide honen bidez ur-kontagailua aldatzeko eskaera egin daiteke. Udalak irakurketen prozesu normaletan antzematen dituen kontagailu matxuratu eta gelditu guztiak aldatzen ditu, ondorengo erregularizazioan kontsumo metaketak ekiditeko, eta kontsumoen zehaztapen sistemaren fidagarritasuna mantentzeko asmoz. Zerbitzu hau doakoa da harpidedunentzat.

Harpidedunak bere kontagailua gelditu egin dela antzematen badu, atal kudeatzaileari eska diezaioke aldaketa. Instalazioan arazorik izatekotan, aldatu ezin diren 25 mm. edo gutxiagoko kalibrea duten kontagailuetan, Udalak esku hartu dezake, eskatutako baldintzak betetzen badira.

Orokorrean, kontagailu geldi edo matxuratuen aldaketa doakoa da. Hala ere, aldatutako kontagailua erabilgaitza bada harpidedunak zaintzeko betebeharra bete ez duelako, Kontagailuaren berritzetarifa ezarriko zaio.

Aldaketa erabiltzailearen eskaeraren ondorioz burutzen bada, horniketari zuzendutako beharren arrazoiengatik, kontzeptu guztiak eskatzailearen kontura izango dira.